गुढीपाडव्याच्या हार्दिक शुभेच्छा!

गुढीपाडव्याच्या हार्दिक शुभेच्छा

असं प्रेम करावं ...

थोडं सांगावं थोडं लपवावं,

असं प्रेम करावं

थोडं रुसावं थोडं हसावं,

असं प्रेम करावं

गुपचुप फोन वर बोलावं,

कोणाची नाज़र पडताच पटकन ""अरे चा "अगं" करावं

असं प्रेम करावं


जग पुढे चाललं असलं

तरी आपण मात्र थोडं मागेचं रहावं,

फोन, SMS, आणि E-MAILS च्या जगात ही,

आपण मात्र पत्र लिहुन मांडावं,

असं प्रेम करावं




कुठे भेटायला बोलवावं,

पण आपण मात्र उशिरा जावं

मग आपणच जाऊन sorry म्हणावं,

असं प्रेम करावं


वर वर तिच्या भोळसट पनाची,

खूप चेष्टा करावी,

पण तरीही ती तुम्हाला किती आवडते, हे जरूर सांगावं,

असं प्रेम करावं


प्रेम ही एक सुंदर भावना,

हे ज़रूर जाणावं,

पुन त्या बरोबर येणार्‍या वेदनांना ही सामोरं जावं

असं प्रेम करावं



विरह येतील, संकट ओढवतील,

प्रेमाच्या अनेक परीक्षा होतील,

पण आपण मात्र खंबीर रहावं,

असं प्रेम करावं



एकदाच होतं, नशिबवानानाचं मिळतं,

म्हणूनच जीवापाड जपावं,

असं प्रेम करावं ... असं प्रेम करावं ...

मनी माऊ

मनी माऊ मनी माऊ.....
मनी माऊ मनी माऊ येतेस का ग भूर?
नको रडू इतकी
आता येईल ना ग पूर

दिवसभर हिंडू
सगळीकड़े भटकू
आईला ही न सांगता
जाऊ आपण भूर
मनी माऊ मनी माऊ
आता येईल ना ग पूर
नको रडू इतकी
चल जाऊ आपण भूर

रागवत असते आई तुझ्यावर सारखी
त्तिला वाटतं तू आहेस अजुन ही बारकी
थांब......आज जाउच आपण भूर
आपली येऊ दे मग तिला आठवण
आठवणींची आपल्या मग करत बसू दे तिला साठवण

आठवत आठवत
बसेल मग रडत
रडत रडत म्हणेल मग
"कुठे गेला ग चिऊ-माऊ तुम्ही?
अस मला एकटीला सोडून?"

कपाटा मागुन बघू आपण हे सगळ
आणि मग हळूच जाऊ
आणि करू तिला "भू"...!!!!

मनी माऊ मनी माऊ
हस ना ग आता तरी
मनी माऊ मनी माऊ
आता येईल ना ग पूर
नको रडू इतकी
चल जाऊ आपण भूर

सचिन इफेक्ट

अबीर गुलाल

अबीर गुलाल उधळीत रंग |
नाथा घरी नाचे माझा सखा पांडुरंग ॥धृ.॥

उंबरठ्यासी कैसे शिवू आम्ही जाती हीन ।
रूप तुझे कैसे पाहू त्यात आम्ही लीन ।
पायरीशी होऊ दंग गावूनी अभंग ॥१॥

वाळवंटी गावू आम्ही वाळवंटी नाचू ।
चंद्रभातेच्या पाण्याने अंग अंग न्हाऊ ।
विठ्ठलाचे नाम घेऊ होऊनी नि:संग ॥२॥

आषाढी कार्तिकी भक्तजन येती ।
पंढरीच्या वाळवंटी संत गोळा होती ।
चोखा म्हणे नाम घेता भक्त होती दंग ॥३॥


  -  संत चोखामेळा