मनी माऊ

मनी माऊ मनी माऊ.....
मनी माऊ मनी माऊ येतेस का ग भूर?
नको रडू इतकी
आता येईल ना ग पूर

दिवसभर हिंडू
सगळीकड़े भटकू
आईला ही न सांगता
जाऊ आपण भूर
मनी माऊ मनी माऊ
आता येईल ना ग पूर
नको रडू इतकी
चल जाऊ आपण भूर

रागवत असते आई तुझ्यावर सारखी
त्तिला वाटतं तू आहेस अजुन ही बारकी
थांब......आज जाउच आपण भूर
आपली येऊ दे मग तिला आठवण
आठवणींची आपल्या मग करत बसू दे तिला साठवण

आठवत आठवत
बसेल मग रडत
रडत रडत म्हणेल मग
"कुठे गेला ग चिऊ-माऊ तुम्ही?
अस मला एकटीला सोडून?"

कपाटा मागुन बघू आपण हे सगळ
आणि मग हळूच जाऊ
आणि करू तिला "भू"...!!!!

मनी माऊ मनी माऊ
हस ना ग आता तरी
मनी माऊ मनी माऊ
आता येईल ना ग पूर
नको रडू इतकी
चल जाऊ आपण भूर

सचिन इफेक्ट

अबीर गुलाल

अबीर गुलाल उधळीत रंग |
नाथा घरी नाचे माझा सखा पांडुरंग ॥धृ.॥

उंबरठ्यासी कैसे शिवू आम्ही जाती हीन ।
रूप तुझे कैसे पाहू त्यात आम्ही लीन ।
पायरीशी होऊ दंग गावूनी अभंग ॥१॥

वाळवंटी गावू आम्ही वाळवंटी नाचू ।
चंद्रभातेच्या पाण्याने अंग अंग न्हाऊ ।
विठ्ठलाचे नाम घेऊ होऊनी नि:संग ॥२॥

आषाढी कार्तिकी भक्तजन येती ।
पंढरीच्या वाळवंटी संत गोळा होती ।
चोखा म्हणे नाम घेता भक्त होती दंग ॥३॥


  -  संत चोखामेळा

जीवन

अस का बर हे जीवन असत
जे आपल असत ते आपल कधीच नसत
आणि जे आपल नसत तेच गळ्यात पडत
कितीही रडलो तरीही जीवन मात्र पुढेच सरत.

वाटल न्हवत

वाटल न्हवत तू इतकी बदलशील
इतक्या लवकर मजला विसरशील
स्वप्न सजवली होती आपण दोघांनी मिळून
वाटल न्हवत, जाताना केवळ आठवणीच ठेऊन जाशील.....!!

आयुष्यात तू नाही आता
भासात तुला शोधतो आहे
तू जवळ नसलीस तरी
विरहावर तुझ्या मी प्रेम करतो आहे !!

का शोधू मी तुला, हरवलेली नसताना,
भरून येते मन तुला शब्दात पाहताना,
दूर गेल्याचा त्रास आहेच खर जास्त,
पण या वरही विरजण पडते तुझे हास्य स्मरताना!!