कोणत्या चिमटीत मी त्याला धरू ?
हिंडते मेंदूत जे फुलपाखरू
तू अता बघशील वाताहत खरी
लागले पाणी पुराचे ओसरू
गायही तेव्हाच पान्हा सोडते
लागते जेव्हा लुचाया वासरू
पटवती साऱ्या पुरातन ओळखी
कुठुन हे आले नवे माथेफिरू ?
खुळखुळाया लागले अश्रू किती !
केवढे लिहितोस तू गल्लाभरू
साठवू इतके सुगंधी सल कुठे ?
आठवू कोणास, कोणा विस्मरू ?
खूप नक्षीदार आहे शाल पण
एकमेकांनाच आता पांघरू
आपल्या दोघांमधे कोणी नको
ये मिठी नेसू, तिची वस्त्रे करू
पापण्यांनी चित्र आहे रेखले
रंग कुठले सांग ओठांनी भरू ?
ओठ, डोळे, केस, बाहू, हनुवटी
(हे करू की ते करू की ते करू)
कवी - चित्तरंजन भट
हिंडते मेंदूत जे फुलपाखरू
तू अता बघशील वाताहत खरी
लागले पाणी पुराचे ओसरू
गायही तेव्हाच पान्हा सोडते
लागते जेव्हा लुचाया वासरू
पटवती साऱ्या पुरातन ओळखी
कुठुन हे आले नवे माथेफिरू ?
खुळखुळाया लागले अश्रू किती !
केवढे लिहितोस तू गल्लाभरू
साठवू इतके सुगंधी सल कुठे ?
आठवू कोणास, कोणा विस्मरू ?
खूप नक्षीदार आहे शाल पण
एकमेकांनाच आता पांघरू
आपल्या दोघांमधे कोणी नको
ये मिठी नेसू, तिची वस्त्रे करू
पापण्यांनी चित्र आहे रेखले
रंग कुठले सांग ओठांनी भरू ?
ओठ, डोळे, केस, बाहू, हनुवटी
(हे करू की ते करू की ते करू)
कवी - चित्तरंजन भट
