घटिकाभर मोटर पुलाजवळ थांबली
ती अजून घटिका स्मरणी मम राहिली
किति श्रावणसंध्या उन्हात पिवळ्या खुले !
गगनात पसरले मेघखंड रंगले
क्षितिजावर पडले इंद्रधनूचे कडे
चम्चमति तृणावर नीलपाचुचे खडे
सृष्टिचे रुप रमणीय दृष्टिला पडे
आनंद अहो, आनंद भरे चहुकडे !
नुकतीच जिची का बाल्यदशा संपली
चेहरा गोल, हनु जणू उजळ शिंपली !
कुणि थोर मराठा कुळातील कन्यका
ऐटीत पुलावर बसली नीलालका
निर्व्याजपणा मोकळा निसर्गातला
संपूर्ण तिच्या चेहर्यावरी बिंबला
ती प्रसन्नवदना लावण्याची कळी
भावंड धाकटे खेळवीत बैसली !
खालती नदीचे जळ वाहे खळखळा
वरि गुंगुनि तारायंत्र साथ दे जळा
सृष्टिचे सानुले भाट-अशी गोजिरी
पाखरे येउनी बसली तारेवरी
मनसोक्त लागली गाऊ ओतुन गळा
मोहरली त्यांची संगीताची कळा
का स्फूर्ति एवढी उचंबळे अंतरी ?
तर कोणाची ही सांगा जादूगिरी ?
कवी - ग. ह. पाटील
कवितासंग्रह - लिंबोळ्या
ती अजून घटिका स्मरणी मम राहिली
किति श्रावणसंध्या उन्हात पिवळ्या खुले !
गगनात पसरले मेघखंड रंगले
क्षितिजावर पडले इंद्रधनूचे कडे
चम्चमति तृणावर नीलपाचुचे खडे
सृष्टिचे रुप रमणीय दृष्टिला पडे
आनंद अहो, आनंद भरे चहुकडे !
नुकतीच जिची का बाल्यदशा संपली
चेहरा गोल, हनु जणू उजळ शिंपली !
कुणि थोर मराठा कुळातील कन्यका
ऐटीत पुलावर बसली नीलालका
निर्व्याजपणा मोकळा निसर्गातला
संपूर्ण तिच्या चेहर्यावरी बिंबला
ती प्रसन्नवदना लावण्याची कळी
भावंड धाकटे खेळवीत बैसली !
खालती नदीचे जळ वाहे खळखळा
वरि गुंगुनि तारायंत्र साथ दे जळा
सृष्टिचे सानुले भाट-अशी गोजिरी
पाखरे येउनी बसली तारेवरी
मनसोक्त लागली गाऊ ओतुन गळा
मोहरली त्यांची संगीताची कळा
का स्फूर्ति एवढी उचंबळे अंतरी ?
तर कोणाची ही सांगा जादूगिरी ?
कवी - ग. ह. पाटील
कवितासंग्रह - लिंबोळ्या
कोणत्याही टिप्पण्या नाहीत:
टिप्पणी पोस्ट करा