खपल्या

ओल्या त्या जखमांवरून
पुन्हा कोणीतरी फुंकर घालेल
मायेने कुरवाळून त्यांना
पुन्हा त्यांवरच्या खपल्या काढेल !

प्रेम

प्रत्येक वेळेस का आवरायचं मनाला
का घाबरायचं दरवेळेस प्रेमाला
प्रेमात माणूस आंधळा होतो हे खरय
पण प्रेमच शिकवत विरहात जगायला !!

बावळ मन

अस कस हे बावळ मन
कितीही मिळाल तरी याच भागात नाही
शोधात बसत प्रेम इकडे तिकडे
सोबतच्या मायेच्या माणसांकडे मात्र हे पाहतच नाही !!

प्रीत

प्रीत हि असली नको मजला
विरह देऊनी ना तू थकला
बघ एकदा त्या तुझ्या वहीमध्ये
गुलाब हि तो आता पुरा कोमेजला !!

इतकेही प्रेम करू नये.....

इतकेही प्रेम करू नये कि ,
प्रेम हेच जीवन होईल ,
कारण प्रेम भंग झाल्यावर ,
जिवंतपनीच मरण येईल


सहवास संपल्यावर
उरतात त्या फक्त आठवणी ,
अखेर साक्षीला उरते ,
केवळ , डोळ्यात पाणी

जीवनाच्या या वाटेवर ,
खूप वाटसरू भेटतात ,
भेटणारे भेटतात पण ,
फक्त काहीच जण साथ देतात


डोळ्यातून अश्रू ओघळला कि ,
तो हि आपला राहत नाही ,
वाईट याचंच वाटत कि ,
दु:ख त्याच्या सोबत वाहत नाही

मैत्री म्हणजे.....

मैत्री म्हणजे सुंदर पहाट

कधीही न हरवणारी दोस्तीची वाट..

आयुष्याला पडलेलं गोड स्वप्नं

सगळी उत्तरं सापडणारा मजेशीर प्रश्न..

फुलणारं हसणारं प्रत्येक फूलं

कधी चुकलं तर सावरणारं पाऊलं

आठवडयातून ऊगवणारी रविवारची सकाळ

हवीहवीशी वाटणारी रम्य संध्याकाळ..

मैत्री म्हणजे हवेतला ऊबदार गारवा

अन् जणू दरवळणारा मारवा

अंगावर घ्यावा असा राघवशेला

एकदा घेतला तरी बस्स असा अमृतप्याला...

ऍकत रहावी अशी हरीची बासरी

अस्मानीची असावी जशी एक परी...

मैत्री म्हणजे अत्तराची ईवलीशी कुपी

दु:खावरची हळुवार जादूची झप्पी

मैत्री म्हणजे न दिसणारा हातामधला हात

नेहमीकरता असणारी तुझीचं साथ.....

सोबत रहा तू फक्त.. इतकंचं एक मागणं आहे...

क्रिकेटाभिषेक

आज क्रिकेट धन्य झाला
क्रिकेटच्या देवाचा आज क्रिकेटाभिषेक झाला
१०० वी सेन्चुरी ही या देवाचा मुकुट आहे
गेली दोन दशक गाजवली सार्या
जगावर सचिनची हुकुमत आहे........

क्रिकेट म्हणजे सचिन...
हेच या देवाचे धन आहे
फक्त आनंद वाटायचा हे
सचिनच्या फलंदाजीचे ब्रीद आहे,,,,,,

चौकार, षटकारांच्या राशी जयापाशी
धावा लोळण घेती तयाच्या चरणाशी
एकदिवशीय सामन्यातले पहिले द्विशतक तयापाशी
शतकांच शतक त्याच्या शोभे मुकुटाशी

धन्य झालो आम्ही लाभले आम्हास भाग्य
जो खेळ त्याचा या डोळ्यांनी पाहीला
भारतपुत्र सचिन भारतरत्न होवू दे
क्रिकेटसाठी तयाने जन्म सारा वाहिला........

अजूनही खेळतोय........ अजूनही खेळू दे
देशाबरोबर मराठ्यांचेही नाव असेच
असंच जगभर गाजु दे.........
क्रिकेटचा चा हा देव
असाच खेळत राहूदे......
असाच खेळत राहूदे.....

कवी - गणेश पावले

शतकांच शतक लावल्याबद्दल भारतपुत्राचे अभिनंदन...!!!