गौरव मराठीचा

काचतात का?

पाश जुनेरे काचतात का?
अश्रू नयनी दाटतात का?

व्यक्त व्हावया शब्द सुचेना
मनी भावना साचतात का?

व्यासपिठावर सिंहगर्जना
प्रसंग येता शांत शांत का?

कर्मयोग निष्काम असावा
लोक यशाला मोजतात का?

देव ठेवतो तसे रहावे
तरी उद्याची मनी भ्रांत का?

पाय वाकडा पडेल धास्ती
रस्त्यावर ते चालतात का?

जरी झटकली, आठवणींची
पुन्हा जळमटे लोंबतात का?

देव कृपेने इष्ट जाहले
बळी पशूंचा चढवतात का?

तेजोमय सत्कार्य परंतू
लोक तुतारी फुंकतात का?

"निशिकांता" तू पूस स्वतःला
गजला कोणी वाचतात का?

- निशिकांत देशपांडे

हात लावयाची हिंमत

एका मंदिराजवळ सकाळच्या काही गुरे चरत असतात......
त्यावेळी मंदिरातुन येणारे लोक गाईला हात लावुन नमस्कार करीत होते.....
ते पाहुन
.
म्हैस रेड्याला म्हणाली मी मघा पासुन बघतो आहे मंदिरातुन येणारे लोक त्या गाईला हात लावत आहेत.
मला कोणीच हात लावत नाही....
.
.
.
त्यावर रेडा म्हणाला अगं मी इथे असताना तुला हात लावयाची कोणाची हिंमत आहे......????