काळ्या गढीच्या जुन्या ओसाड भिंतीकडे
आलीस तू एकटी बांधून सारे चुडे
वारा किती मंद गऽ!
होते किती कुंद गऽ!
होता किती धुंद गऽ अंधार मागे पुढे!
काळी निनावी भिती
होती उभी भोवती
वाटेत होते किती काटेकुटे अन खडे!
होऊन वेडीपिशी
आली अवेळी अशी
नाजूक प्रीती तुझी, धारिष्ट हे केवढे!
माझी तुझी चोरटी
जेव्हा मिळाली मिठी
झाले जगाचे कडे माझ्यातुझ्याएवढे.
हुंकारला पारवा
तेजाळला काजवा
हालून गेला जरा काळोख चोहीकडे!
कवी - ना. घ. देशपांडे
कवितासंग्रह - शीळ
आलीस तू एकटी बांधून सारे चुडे
वारा किती मंद गऽ!
होते किती कुंद गऽ!
होता किती धुंद गऽ अंधार मागे पुढे!
काळी निनावी भिती
होती उभी भोवती
वाटेत होते किती काटेकुटे अन खडे!
होऊन वेडीपिशी
आली अवेळी अशी
नाजूक प्रीती तुझी, धारिष्ट हे केवढे!
माझी तुझी चोरटी
जेव्हा मिळाली मिठी
झाले जगाचे कडे माझ्यातुझ्याएवढे.
हुंकारला पारवा
तेजाळला काजवा
हालून गेला जरा काळोख चोहीकडे!
कवी - ना. घ. देशपांडे
कवितासंग्रह - शीळ
