एकटा मी, अन होती एकली तू
का गळ्याची आण होती घेतली तू
फार वर्षांनी तुझ्या भेटीस आलो
का कपाळाला अढी ही घातली तू?
कालमानानेच आता लोपले का
मागचे सारे जुने आतुर हेतू
संपला सारा जरी आता जिव्हाळा
यापुढे साधेसुधे सौजन्य दे तू
एक वेळी वाटली होती जिवाला
चांदणी विस्तीर्ण अंधारातली तू
कवी - ना. घ. देशपांडे
कवितासंग्रह - शीळ
का गळ्याची आण होती घेतली तू
फार वर्षांनी तुझ्या भेटीस आलो
का कपाळाला अढी ही घातली तू?
कालमानानेच आता लोपले का
मागचे सारे जुने आतुर हेतू
संपला सारा जरी आता जिव्हाळा
यापुढे साधेसुधे सौजन्य दे तू
एक वेळी वाटली होती जिवाला
चांदणी विस्तीर्ण अंधारातली तू
कवी - ना. घ. देशपांडे
कवितासंग्रह - शीळ
