गौरव मराठीचा

आता तरी मला उतरु द्या.

एकदा एक इन्स्पेक्टर गाडीत शिरला.
समोर पाहतो तर एक हवालदार उठून उभा राहिलेला.
इन्स्पेक्टर म्हणाला, "अरे अरे उठायची गरज नाही. बसलास तरी चालेल."

असे दोन-तीन वेळा झाल्यावर शेवटी तो हवालदार म्हणाला, "साहेब माझं स्टेशन कधीच गेलं. आता तरी मला उतरु द्या."

एकावर एका फ्री

घेलाशेठ पक्का कंजूष माणूस. त्याची मागील तीन चार दिवसापासून एक दाढ दुखत होती. पण पैसा खर्च होईल म्हणून तसाच त्रास सहन करत होता. शेठाणीने डॉक्टरकडे जाण्याचा आग्रह धरला तेव्हा घरीच दाढ काढली तर चालणार नाही का? असा प्रतिप्रश्न त्याने बायकोला केला.

शेवटी बायकोने बराच आरडा ओरडा केल्यानंतर घेलाशेठ एकदाचा दंतवैद्याकडे गेला. डॉक्टर माजा उजव्या बाजूचे दाढ लई दुकते, तेचा किती पैसा घेणार? काहीतरी कमी घ्या आम्ही तुमचा फायदा करू अशी बडबड करून त्याने डॉक्टरला पटवण्याचा प्रयत्न केला. काही काळजी करू नका शेठजी, आरामात या खुर्चीत बसा आणि तोंडाचा आ करा व काहीही बोलू नका, मी तुमचा फायदा करून देणार आहे.

तेव्हा कुठे घेलाशेठ खुर्चीत तोंड वासून बसला. झालच हं म्हणत डॉक्टरांनी घेलाशेठच्या दोन दाढा उपटल्या. डॉक्टर बाजूला झाले तसा घेलाशेठ खुर्चीतून थयथया नाचत उठला, डॉक्टर हे काय केला तुमी मी एक दाढ काढायला सांगितला ने तुमी तर माझा दोन दाढा उपटले की. दोन दाढेचे पैसे द्यावे लागणार ह्या कल्पनेने अस्वस्थ झालेला घेलाशेठ ठणाणा बोंबलत सुटला.

डॉक्टर हसत म्हणाले काही काळजी करू नका घेलाशेठ, मी तुम्हाला आश्वासन दिल्याप्रमाणे तुमचा फायदा केला आहे. तुम्ही फक्त एकाच दाढेचे पैसे द्या. कारण सध्या आमचेकडे एकावर एका फ्री ची स्कीम सुरु आहे!

प्लॅस्टीक सर्जरी

रुग्ण - डॉक्टर प्लॅस्टीक सर्जरी ला किती खर्च येईल.

डॉक्टर - ५००००

रुग्ण - जर प्लॅस्टीक आम्ही दिला तर ?

डॉक्टर (रागाने) - ???????????

स्मुती आणि बुद्धिमत्तेची चाचणी

स्मुती आणि बुद्धिमत्तेची चाचणी करून घेण्याकरिता ३ वृध्द डॉक्टर राम रावांकडे गेले.
" नितीन राव तीन त्रिक किती ?" डॉक्टरांनी पहिल्या वृध्दाला विचारले
"२७४" त्याने उत्तर दिले.

थोड्या चिंताग्रस्त आवाजात डॉक्टरांनी तोच प्रश्न दुसर्या वृध्दाला विचारले
" सोमनाथभाऊ तुम्ही सांगा,तीन त्रिक किती ?"
"मंगळवार" त्याने उत्तर दिले.

ही उत्तर ऐकल्यावर डॉक्टर कपाळावर हात मारणारच होते पण
स्वताला सावरत आवाजावर ताबा ठेवत ते तिसर्या वृध्दाकडे वळले

"आता प्रवीणकुमार तुम्ही सांगा, तीन त्रिक किती ?"
"नऊ"

उत्तर ऐकून डॉक्टर राम रावांच्या आनंदाला पारावार उरला नाही.
"तुम्ही कसे काढलेत हो उत्तर शोधून " डॉक्टर त्याला म्हणाले

तिसरा वृध्द उत्तरला "अगदी सोप्पय, २७४ मधून मी मंगळवार वजा केला."

इस्त्री आणि फोन

प्रताप सिंग नावाचा सरदारजी डॉक्टर कडे गेला,त्याचे दोन्ही कान भाजले होते.

डॉक्टर : "काय झाले सरदारजी ?"

सरदारजी : "काही नाही, मी कपड्यांना इस्त्री करत होतो मध्येच फोन वाजला."

डॉक्टर : "मग काय झाल ?"

सरदारजी : मी चुकून फोन ऐवजी हातातली इस्त्री कानाला लावली,
म्हणून माझा एक कान भाजला.

डॉक्टर : कोणाचा फोन होता ?

सरदारजी : तो एक राँग नंबर होता

डॉक्टर : पण मग, दुसरा कान कसा भाजला ?

सरदारजी : त्या मुर्खाने मला पुन्हा फोन केला.

न्हावी

बर्‍याच दिवसानंतर तीन मैत्रिणीं एकत्र जमल्या होत्या. त्या तिघीही आपापल्या पतीच्या बढाई मारत होत्या.

पहिली- अगं माझे मिस्टर शिक्षक आहेत. त्यांच्या पुढे तर सगळ्या विद्यार्थ्यांच्या माना झुकतात.

दुसरी- माझे मिस्टर हेडमास्टर आहेत. त्यांच्या पुढे तुझ्या मिस्टरांसारख्या शिक्षकांच्या माना झुकतात.

तिसरी- अंग माझ्या मिस्टरांपुढे तुमच्या दोघींचे मिस्टर माना झुकवतात.

दोघीही- कोण आहेत ग तुझे पती?

तिसरी- न्हावी !

क्रिकेटर सैनिक

एकदा भारतीय गोलंदाज जवागल श्रीनाथ अणि वेंकटेश प्रसाद कारगिलला सैनिकांना भेट देण्यासाठी जातात.तिथे गेल्यावर त्यांचे देशप्रेम उफ़ाळून येते.त्यांना वाट्त की आपणही देशासाठी काहितरी करुन दाखवाव. म्हणुन ते मेजर साहेबांना म्हणतात कि आम्हीपण काहितरी करणार .मेजर म्हणतात ठीक आहे पण तुम्ही नक्की काय करणार गन चालवणार का? ते म्हणतात नाही आम्ही बॊम्ब फ़ेकणार.

मग ते दोघ बॊम्ब घेऊन सैनिकांबरोबर लढायला जातात .

थोड्या वेळाने अगदी रक्तबंबाळ होऊन परत येतात.मेजर सैनिकांना विचारतात की हे कस घडल?
सैनिक सांगतात की यांनी विचारल कि बॊम्ब कसा फ़ेकायचा? आम्ही त्यांना दाखवल कि बॊम्ब कसा फ़ेकायचा ते . बॊम्बची क्लिप दाताने काढायची व फ़ेकायचा.

मेजर :- मग पुढे काय झाल ?

सैनिक :- त्यांनी दाताने बॊम्बची क्लिप काढली आंणि फ़ेकायचा सोडून मांडीवरती घासत बसले.