माझे न राहिलेले

मागु नको सख्या, जे माझे न राहिलेले
ते एक स्वप्न होते, स्वप्नात पाहिलेले 

स्वप्नातल्या करांनी, स्वप्नातल्या तुला मी
होते न सांग कारे, सर्वस्व वाहिलेले

स्वप्नात वाहिलेले, म्हणुनी कसे असत्य
स्वप्नात सत्य असते, सामील जाहलेले

स्वप्नातल्या कळीला, स्वप्नात फक्त पख
दिवसास पाय पंगु, अन हात शापिलेले

स्वप्नातल्या कळीला, स्वप्नात घेवुनी जा
हे नेत्र घेवुनी जा, स्वप्नात नाहलेले

जा नेत्र घेवुनी जा, स्वप्नांध आंधळीचे
आता पहावयाचे, काही न राहीलेले