पाखरे करिती गोड कुजबुज
काय हितगुज चाले त्यांचे !
भ्रमर फुलांशी करितो गुंजन
कोणते कूजन चाले त्याचे
वारा घुमघुमे वनराईमाजी
काय चाले त्याची कानगोष्ट !
लेकराच्या कानी कुजबुजे माय
त्याचा अर्थ काय तीच जाणे
कळो वा न कळो तुझे ते गुपित
सांग तू कानात देवा, माझ्या
कवी - ग. ह. पाटील
कवितासंग्रह - लिंबोळ्या
काय हितगुज चाले त्यांचे !
भ्रमर फुलांशी करितो गुंजन
कोणते कूजन चाले त्याचे
वारा घुमघुमे वनराईमाजी
काय चाले त्याची कानगोष्ट !
लेकराच्या कानी कुजबुजे माय
त्याचा अर्थ काय तीच जाणे
कळो वा न कळो तुझे ते गुपित
सांग तू कानात देवा, माझ्या
कवी - ग. ह. पाटील
कवितासंग्रह - लिंबोळ्या
कोणत्याही टिप्पण्या नाहीत:
टिप्पणी पोस्ट करा