गौरव मराठीचा

 “हॅलो, ABC ट्रॅव्हल्स का?”

“होय साहेब, काय काम होतं?”

“ग्रीसला नेता का सहली तुम्ही?”

“हो, नेतो की!”

“कुठेकुठे नेता ग्रीसमध्ये?”

“तुम्ही म्हणाल तिथे नेतो साहेब. तुमची सोय, तुमचा वेळ आणि तुमचं बजेट यात बसतील असे खूप ऑप्शन आहेत आपल्याकडे साहेब!”

“तरी चारपाच प्रसिद्ध ठिकाणांची नावं सांगाल?”

“सांगतो की! अथेन्स, कोरफू, थेसालोनिकी,मेटेओरा, मिकोनॉस,सांटोरिनी…”

“थांबा थांबा. मिकोनॉस फिट बसतंय.”

“मस्त चॉईस आहे तुमचा साहेब. कधीची तिकिटं हवी आहेत तुम्हाला?

“तिकिटं? छे छे. जायचे नाहीये काही मला कुठे…”

“मग फोन कशाला केला होतात?”

“शब्दकोड्यात शब्द अडला होता. ग्रीसमधील प्रसिद्ध ठिकाण. चार अक्षरी. मी पासून सुरू होणारं……”