सांगुं कुणा गुज साजणि, मनिंचे ?
बोलहि वदण्या चोरि समज मज;
मी पतिविरहित, शंकित नयनें
बघुति लोक मज, अशुभ गणुनिया टाळतात मज. ध्रु०
कुणाजवळ करुं ह्रदय मोकळें ?
कोंडमार किति ! दिवस कंठितें गिळुनि दुःख निज १
मी न मनुज का ? काय न मज मन ?
नच विकार का? लहरि उठति मनिं, काय सांगुं तुज ! २
पुरुष वरिति नव नवरि कितितरी,
सकल शुभच तें ! असहायच मी मुकेंच सावज ! ३
कशास जाई तो या मार्गी ?
बघुनि दुरुनिया पाणी पाणी होतें काळीज. ४
दुसर्या मिरविति युवति पतिशिरीं,
तुडविति पाउलिं चरणाखालिल हाय मीच रज ! ५
कवी - भा. रा. तांबे
जाति - श्रीमती
राग - तिलककामोद
ठिकाण - लष्कर ग्वाल्हेर
दिनांक - १८ सप्टेंबर १९३५
बोलहि वदण्या चोरि समज मज;
मी पतिविरहित, शंकित नयनें
बघुति लोक मज, अशुभ गणुनिया टाळतात मज. ध्रु०
कुणाजवळ करुं ह्रदय मोकळें ?
कोंडमार किति ! दिवस कंठितें गिळुनि दुःख निज १
मी न मनुज का ? काय न मज मन ?
नच विकार का? लहरि उठति मनिं, काय सांगुं तुज ! २
पुरुष वरिति नव नवरि कितितरी,
सकल शुभच तें ! असहायच मी मुकेंच सावज ! ३
कशास जाई तो या मार्गी ?
बघुनि दुरुनिया पाणी पाणी होतें काळीज. ४
दुसर्या मिरविति युवति पतिशिरीं,
तुडविति पाउलिं चरणाखालिल हाय मीच रज ! ५
कवी - भा. रा. तांबे
जाति - श्रीमती
राग - तिलककामोद
ठिकाण - लष्कर ग्वाल्हेर
दिनांक - १८ सप्टेंबर १९३५
कोणत्याही टिप्पण्या नाहीत:
टिप्पणी पोस्ट करा