परिटा येशिल कधी परतून? || धृ ||
काल दिलेल्या कपड्यांमधले दोन चार हरवून!
कोट रेशमी लग्नामधला मानेवर उसवून!
उरल्या सुरल्या गुंड्यांचीही वासलात लावून!
बारिकसारिक हातरुमाला हातोहात उडवून!
सदर्यांची या इस्तरिंने तव चाळण पार करुन!
खमिसांची ही धिरडी खरपुस भट्टीमधें परतून!
तिच्या भरजरी पैठणीची या मच्छरदाणी करुन!
गावांतील कपड्यांची सगळ्या गल्लत छान करुन!
रुमाल जरीचे आणि उपरणीं महिनाभर नेसुन!
सणासुदीला मात्र वाढणे घेई तुझे चोपुन!
परिटा येशिल कधी परतून?
कवी - केशवकुमार
कवितासंग्रह - झेंडूचीं फुलें
काल दिलेल्या कपड्यांमधले दोन चार हरवून!
कोट रेशमी लग्नामधला मानेवर उसवून!
उरल्या सुरल्या गुंड्यांचीही वासलात लावून!
बारिकसारिक हातरुमाला हातोहात उडवून!
सदर्यांची या इस्तरिंने तव चाळण पार करुन!
खमिसांची ही धिरडी खरपुस भट्टीमधें परतून!
तिच्या भरजरी पैठणीची या मच्छरदाणी करुन!
गावांतील कपड्यांची सगळ्या गल्लत छान करुन!
रुमाल जरीचे आणि उपरणीं महिनाभर नेसुन!
सणासुदीला मात्र वाढणे घेई तुझे चोपुन!
परिटा येशिल कधी परतून?
कवी - केशवकुमार
कवितासंग्रह - झेंडूचीं फुलें
कोणत्याही टिप्पण्या नाहीत:
टिप्पणी पोस्ट करा