नाहीत ना मिळणार ते दिवस आता परत

नाहीत ना मिळणार ते दिवस आता परत
बळेच लेकचर करणे ते पण डुलक्या मारत
लेकचर बंक करीत पोरीच्या मागे फिरत
पोरीने मात्र दगा करायचा मागच्या गेटने आत शिरत

नाहीत ना मिळणार ते दिवस आता परत
जर्नल पूर्ण करत तेही नाईट मारत मारत
चेक तरी कराना म्हणून म्याडेम च्या पाया पडत
शेवटच्या दिवशी मात्र ATKT साठीतरी अभ्यास करत
तीन तास पेपर लिहीत तरी अवघड होता म्हणून बोमबा मारत

नाहीत ना मिळणार ते दिवस आता परत
फर्स्ट क्लास हुकला म्हणून बसायचे रडत
ATKT तरी मिळाली म्हणून मात्र हसत हसत
जीवावर आले कॅम्पस सोडून जाताना डोळे पुसत
जगावे लागतेय आज कुणाच्या तरी पुढे नाक घासत

नाहीत ना मिळणार ते दिवस आता परत


-अशोक खेडकर