(शुद्ध कामदावृत्ताच्या चालीवर)
असुनि जीभही, ज्याचियाविना
मौन लागतें घ्यावया जनां,
काय तें बरें? बोलिजे खरें –
ज्ञान तें बरें ! ज्ञान तें बरें ! १
सम्पदा फिकी जीपुढें पडे,
शक्तिचें जिच्यावांचुनी नडे,
कोण ती बरें ? सांगिजे खरें
शारदा बरें ! शारदा बरें ! २
दु:खहेतु ते दूर घालवी,
वसुमतीस जी स्वर्ग भेटवी,
भगवती असी सांग कोणती
ती सरस्वती ! ती सरस्वती ! ३
कवी - केशवसुत
असुनि जीभही, ज्याचियाविना
मौन लागतें घ्यावया जनां,
काय तें बरें? बोलिजे खरें –
ज्ञान तें बरें ! ज्ञान तें बरें ! १
सम्पदा फिकी जीपुढें पडे,
शक्तिचें जिच्यावांचुनी नडे,
कोण ती बरें ? सांगिजे खरें
शारदा बरें ! शारदा बरें ! २
दु:खहेतु ते दूर घालवी,
वसुमतीस जी स्वर्ग भेटवी,
भगवती असी सांग कोणती
ती सरस्वती ! ती सरस्वती ! ३
कवी - केशवसुत
कोणत्याही टिप्पण्या नाहीत:
टिप्पणी पोस्ट करा