शब्दारण्य

शब्दारण्याची सैर करण्या
निघालो मी प्रवासी |
उलगडून पाहिले अर्थ
तरी उरले प्रश्न मनाशी ॥

गर्द सावल्यातला अर्थ
शोधण्याचा केला मी यत्न |
काळोख्या कोप-यांना
उजळण्याचा केला मी प्रयत्न ॥

शब्दांच्या अगणिक पारंब्यांनी
वेढले अंतर्मन |
शब्द नगरीच्या स्वैरविहारात
बरसले शब्द घन ॥

शब्दांचे कवडसे कवेत घेण्याचा
केला मी प्रयास |                                                
गर्द सावल्या अंतर्मुख होत
क्षणात पावल्या र्‍हास ॥

कोवळे उन्ह डोळ्यात साठवताना
डोळे दिपले नाही |
सुख-दुःखाचे गर्द आसवे
नयनातून ओसंडत वाही ॥

अलगद काढूनी शब्द कुंचला
ओसांडले शब्दांचे द्रव्य |
आभाळाच्या कॅनव्हासवर
चित्तारले हळवं काव्य ॥


कवी - अनिल शिंदे