माथ्यावरती उन्हें चढावी
पावलात सावल्या विराव्या
घाटावरती शुभ्र धुण्यांच्या
पाकोळ्या अन् मंद झुलाव्या.
डोंगर व्हावे पेंगुळलेले
पोफळ बागा सुस्त निजाव्या
अंगणातल्या हौदावरती
तहानलेल्या मैना याव्या.
लुकलुकणारे गोल कवडसे
लिंबाच्या छायेत बसावे
खारीचे बावरे जोडपे
बकुळीखाली क्षणिक दिसावे.
कुरणाच्या हिरवळीत ओल्या
ऊनही हिरवे होउन जावे
कुठे कधीचे नांगरलेले
शेत पावसासाठी झुरावे.
कवी - सदानंद रेगे
पावलात सावल्या विराव्या
घाटावरती शुभ्र धुण्यांच्या
पाकोळ्या अन् मंद झुलाव्या.
डोंगर व्हावे पेंगुळलेले
पोफळ बागा सुस्त निजाव्या
अंगणातल्या हौदावरती
तहानलेल्या मैना याव्या.
लुकलुकणारे गोल कवडसे
लिंबाच्या छायेत बसावे
खारीचे बावरे जोडपे
बकुळीखाली क्षणिक दिसावे.
कुरणाच्या हिरवळीत ओल्या
ऊनही हिरवे होउन जावे
कुठे कधीचे नांगरलेले
शेत पावसासाठी झुरावे.
कवी - सदानंद रेगे
कोणत्याही टिप्पण्या नाहीत:
टिप्पणी पोस्ट करा