-१-
ओळख, रे जीवा, आता देव-देवा
मग देह-भावा-संगे नाचू
माझा देव सखा सर्वत्र सारखा
कोणाला पारखा नाही नाही
बाहेर अंतरी उभा खाली-वरी
आहे घरीदारी खरोखर
विश्वाचे मंदिर, विश्वच ईश्वर,
सगुण सुंदर निर्गुणही
आता ओळखले : विश्वच हासले
नाग म्हणे, झाले समाधान
-२-
एकाचाच सूर एकतारीवर
मधुर मधुर वाजवावा
माझा योगा-याग आळवावा राग
डोलवावा नादरंगी
मंद मंद चाली वागीश्वरी आली
आता दुणावली कोवळीक
तन्मात्रांचे पांच नानाविध नाच
झाला सर्वांचाच एकमेळ
मन हळुवार झाले एककार
विविध विकार दुरावले
कवी - ना. घ. देशपांडे
कवितासंग्रह - शीळ
ओळख, रे जीवा, आता देव-देवा
मग देह-भावा-संगे नाचू
माझा देव सखा सर्वत्र सारखा
कोणाला पारखा नाही नाही
बाहेर अंतरी उभा खाली-वरी
आहे घरीदारी खरोखर
विश्वाचे मंदिर, विश्वच ईश्वर,
सगुण सुंदर निर्गुणही
आता ओळखले : विश्वच हासले
नाग म्हणे, झाले समाधान
-२-
एकाचाच सूर एकतारीवर
मधुर मधुर वाजवावा
माझा योगा-याग आळवावा राग
डोलवावा नादरंगी
मंद मंद चाली वागीश्वरी आली
आता दुणावली कोवळीक
तन्मात्रांचे पांच नानाविध नाच
झाला सर्वांचाच एकमेळ
मन हळुवार झाले एककार
विविध विकार दुरावले
कवी - ना. घ. देशपांडे
कवितासंग्रह - शीळ
कोणत्याही टिप्पण्‍या नाहीत:
टिप्पणी पोस्ट करा