काळ्या मातीत मातीत चे विडंबन!!
आतल्या खोलीत खोलीत, टोळके बसते…
टोळके बसते… नि बसून यथेच्छ ढोसते!
कोणी बाटली काढतो, नि टोळके लाळ गाळते
लाळ गाळते… नि बसून यथेच्छ ढोसते!
गाडी झाडाशी लावून, धावून येतात काहीजण…
कसेबसे हो जमतात, बायकांची नजर चुकवून
एक अनोखे चैतन्य साऱ्यांच्या डोळ्यात दिसते…
डोळ्यात दिसते… नि बसून यथेच्छ ढोसते!
हे बबन्या रं, माझ्या दोस्ता रं, माझ्या पक्या रं माझ्या आहाSSSS… टिडिंग टिंग… टिडिंग टिंग…
बांगडा गरम करून, प्लेट लावतो बबन…
सिगरेटी फुकता फुकता, तिथे डोकावतो कोण
बबन्या गाऊन दाखवतो, नि टोळके कौतूक ऐकते…
कौतूक ऐकते… नि बसून यथेच्छ ढोसते!
हे बबन्या रं, माझ्या दोस्ता रं, माझ्या पक्या रं माझ्या आहाSSSS… टिडिंग टिंग… टिडिंग टिंग…
आतल्या खोलीत खोलीत, टोळके बसते…
टोळके बसते… नि बसून यथेच्छ ढोसते! टोळके बसते… टोळके बसते…
कोणत्याही टिप्पण्या नाहीत:
टिप्पणी पोस्ट करा