बाबा इथे पोरका झाला आहे

आवाज बंद झाला,संवाद हरपला आहे.
बोबडा शब्द चिमुकल्याचा लुप्त आज आहे.

चोकलेटचा बंगला आज मोडला आहे.
चीउचा घास चिमुकला आज सांडला आहे .

सापशिडीच्या खेळामधली शिडी सरकली आहे.
सारे फासे पलटले,आता दंश फक्त आहे.

बागेत फिरत असता,हात रिकामा राहतो.
देत झोका कोणी पाहता,हात कापरा होतो.

सुन्न अशा खोलीमध्ये,तुझा टेडीही एकाला झाला .
अन् खेळ तुझा भातुलालीचा,मी पुन्हा नाही पाहिला.

कडेवर कोणी अन्य घेता, अश्रूंच्या धारा.
मग चुंबने तुझी मी घेता,त्या हास्याच्या लाटा.

बाकी फक्त आहे,तुझ्या स्वेटर आणि कुंच्या.
अन् तुं स्पर्शिलेल्या घराच्या सर्व दिशा.

थोपटू आता कोणाला,मी एकटाच आहे.
आठवणीत आता फक्त कुशीतली झोप आहे.

माझी राणी!गेलीस तू अचानक निघून,
तुझा बाबा इथे पोरका झाला आहे.