खंत नाही खेद नाही...........

कोण आहे शेजारी
कोण आहे आजारी
काय चालले बाजारी
मला काही माहीत नाही
ह्या कशाची खंत नाही खेद नाही...........

भावनांचा बाजार भरला
अश्रु झाले मुके सारे
वार होती किती तरी
रक्त गेले सुकुन सारे
ना रक्त्ताची जात पाहु
समर्थनाचे भाट होवु
काय मजला घेणॆ देणे
जीवाला कशाची खंत नाही खेद नाही.........

थांबला रस्यावरी
वार करणारा जरी
दार माझे बंद मी
सुरक्षित आहे आत तरी
सरकार काय झोपले
बघुन घेतील लोक सारे
किती मेले किती गेले
बघु उद्या टि.व्ही.पुढे
कशाची खंत नाही खेद नाही.........

कवियत्री - सौ .विणा बेलगांवकर