🔔 *मंदिर /शाळा* 📖🖋
मंदीराचे कळस
गगनाला भिडले
शाळेचे बांधकाम
देणगीवाचुन अडले
दुधाचा अभिषेक
दगडाच्या देवाला
शालेय पोषण आहार
नुसताच नावाला
देवाचा दरवाजा
चांदीने मढला
शाळेचा दरवाजा
पाण्याने सडला
मंदीरातील झुबंराला
हि-या मोत्यांचे खडे
शाळेच्या भिंतीना
पडु लागलेत तडे
मंदीरात जाऊन
लोक पोथी पुराण वाचतात
शाळेच्या ग्रथांलयात
उंदीर मामा नाचतात
मंदीराच्या दानपेटीत
गुप्तदान करतात
शाळेच्या देणगीची
पावतीच मागतात
दरवर्षाला देवाची
भरवतात यात्रा
पालक मेळाव्यात
फक्त पालक सतरा
पुज्या-यांच्या गळ्यात
सोन्या चांदीचे हार
कंत्राटी शिक्षकांची
होऊ लागली उपासमार
न खाणाऱ्या देवाला
पंचपक्वान्नाचा घास
शाळेत खीचडी भाताचा
अहो येईना वास
आता तुम्हीच सांगा
कधी संपेल इथला अंधविश्वास
शिकले - सवरलेले तरुण- तरुणीच
करु लागले आता उपवास
🙏🏻 *नवीन पिढीला समर्पित* 🙏🏻
कोणत्याही टिप्पण्या नाहीत:
टिप्पणी पोस्ट करा